القائمة الرئيسية

الصفحات

أخبار الاخبار

أخطاء بالجملة في نادي الزمالك تحتاج للإصلاح والتطهير لتجعل الزمالك فى المقدمة


عزيزي مشجع ومشاهد فريق ونادي الزمالك لاتنغمس فى أخطاء القطيع ولكن إجعل نفسك (القشة التي قسمت ظهر البعير) إجعل نفسك سبب التغيير بأن تقوم بتوضيح الأخطاء التي تراها بفريق الزمالك فى أداءه الحالي .

حباٌ وتقديراٌ وإنتمائي وإعتزازي لنادي الزمالك يدفعني ألا أصمت عن التعريف عن كم الأخطاء التي أراها فى تشكيل وأداء نادي الزمالك والتي يستحق أن يكون الأفضل بمصر لما يحتويه من لاعبين مميزين ولكن الأخطاء واضحة ونحن مقصرون فى إستئصالها أو فى علاجها .


1- أكثر الأخطاء إنتشاراٌ فى الزمالك عدم وجود مهاجم ذو خبرة على سبيل المثال مصطفي محمد المهاجم الحالي يحتاج لأكثر من 20 فرصة فى كل مباراة ليحرز هدف واحد ،وهذا ليس تقليل من اللاعب ولكن اللاعب يحتاج للخبرة يحتاج يحتاج الى التأني فى كل فرصة فالاعب متسرع جداٌ ولا يستغل الفرص الإستغلال الأمثل ودا أكبر دليل اني الخبرة مش موجودة .

2- هناك لاعبون بالزمالك ليس لهم أي أهمية ولا يفيدون الزمالك بأي شئ مثال ( شيكابالا - كاسونجو - عمر السعيد - بامبو - محمد عنتر .. الخ ) لماذا يتواجدون بالزمالك فى ظل أن الزمالك يخرج ناشئين تشارك فى الملعب بأكثر مما يشارك هؤلاء وخير دليل أسامة فيصل وأحمد عيد وحسام أشرف وغيرهم ، الزمالك لا يحتاج الا للتطهير .

3- بالنسبة لحراسة المرمي الإستهتار الملازم للأستاذ أبو جبل فى أخر ثلاث ماتشات ، خروج مفاجئ وغير صحيح بالمرة يتسبب فى إهتزاز شباكه بأكثر من خمسة أهداف منهم 3 أهداف فى ماتش سموحة تسبب فى تعادل بعدما كانت النتيجة 3-1 وتسبب فى شهرة أقل اللاعبين بسبب أخطاءه وغبائه الفني والرياضي الكروي .

4- بالنسبة لخط الدفاع محمود علاء ومحمد عبدالغني فى إستهتار وعدم إلتزام بمساحة اللعب المخصصة لهم ، فعلى سبيل المثال اللاعب الكبير محمد عبدالغني يترقص من حسام حسن فى ماتش سموحة الماضي ويقع وقعة غبية على ضهرة ميقعهاش طفل ( أنا مش متخيل فيه لاعب كبير وبيلعب فى الزمالك التاريخ ويترقص ترقيصة غبية بالشكل دا تتسبب فى هدف ) وبالنسبة لمحمود علاء ياسيدي إقتنع إني أنت مدافع ليه فى كل هجمة بلاقيه قبل المهاجم قدام ، ياعمنا ياسيدي الفاضل الليبرو أو المدافع أكثر خروج ليه بيكون دايرة السنتر بتاعة منتصف الملعب أكتر من كدا متخرجش غير لما تكون مأمن مكانك فى جناح ساقط مكانك أو لاعب غيرك فى الدفاع ليه ؟ أي كورة بتترد من ضربة ركنية ع الزمالك بيكون مفيش غير مدافع واحد فقط وأغلب الوقت بيكون الونش اللى لو وسط اتنين لاعبين مش هايقدر يعمل أي حاجة وبالتالي ممكن هدف فى الزمالك من خطاٌ فادح وقاسي .

5- السيد المدير الفني لنادي الزمالك كارتيرون تحية طيبة وبعد " حضرتك ماشي زي الفل وعلى راسنا كل اللى بتعمله ، ولكن الفريق محتاج لشوية حاجات كدا تقدر تخليك تاخد دوري أبطال أوروبا مش أفريقيا بس وهم كالآتي :
  • الكورة السريعة هي لغة العصر بمعني فى أي هجمة للزمالك الكورة مش بتبقى سريعة اللاعبين مش بتلاقي بعضها وبالتالي بتحبط هجمة الزمالك ، بتكون كل لاعبي الخصم لحقت ترجع وتعملك جدار سد وبالتالي مش هاتعرف تحط جول بسهولة ، بالإضافة الي حضرتك تقدير الوقت والإستلام والباص للكورة مش مضبوط عند اللاعبين نهائياٌ .
  • التمرير السريع من لمسة وباصة واحده فقط ، لحد دلوقتي لاعبي الزمالك مش بيعرفوا يستلموا ويباصوا بباصة واحدة ، يعني الإستلام والتسليم بالإضافة للتحرك السليم للاعبين وبعضهم هايفتح انفاق فى فريق الخصم مش بس هاتوصلك للجول لكن هتزلزل فريق الخصم لاني الكورة مش واقفة فى مكان بتتحرك باستمرار ودا بيضرب لحضرتك تشكيل الخصم بيخلي المدير الفني للخصم مش عارف يعملك ايه او يوقفك إزاي .
  • اللياقة البدنية للاعبين عايزة تعلي شوية ، لاني الزمالك بيفضل يلعب لحد أول 30 دقيقة وبعدين بلاقي اللاعبين بيجروا فى رجليهم ولو عايز مثال خير مثال أحمد زيزو - وفرجاني ساسي - ومحمود علاء .
  • بالنسبة لخط الوسط الأستاذ الكبير فرجاني ساسي لاعب كبير ومهاري ودماغه حلوة لكن إحنامش محتاجين منك إختراع ، إحنا محتاجين منك كورة السهل الممتنع اللى هيا الكورة اللى توصل من خط الدفاع لخط الهجوم عن طريقك يعني حضرتك صاحب الحلول فى وسط الملعب وإعتماده على طارق حامد بدرجة كبيرة جداٌ ، ليه مدرب الزمالك ميشوفش بديل لفرجاني ، لانه بيتكشف أوي لما بيكون طارق حامد مش متواجد فى الملعب ، مين بديل طارق حامد لازم يكون فيه بديل يسند خط النص للزمالك .
  • ليه مش بتدرب اللاعبين على الكورة الثابتة اللى لحد دلوقتي لا فيه كورة ثابته عدلة ولا فيه تصويبة كويسة ، صدقني يا مستر كارتيرون انت مميز ولكن حاجات بسيطة بتضيع الماتش منك ( متطبخش طبخة بمبلغ كبير وتبوظها علشان معلقة ملح حرام عليك ) .
  • وأخيراٌ بالنسبة لمدرب الزمالك إختيار عناصر التبديلات لازم يكون بدري شوية حسب رؤية الملعب مش إنك تستني للدقيقة 70 علشان تغير الماتش ، لاء ما ممكن يكون لعيب نازل أساسي وميأديش اسحبه حتي لو فى أول 20 دقيقة ( عصفور فى اليد خير من عشرة ع الشجرة ) إستغل التغييرات فى صالحك متسبهاش لما تخلل جنبك .
6- ودي خاصة برئيس النادي السيد المستشار مرتضي منصور رئيس مجلس الإدارة ، حضرتك فى كل صغيرة وكبيرة بتطلع تتكلم على شاشة وتشتم فلان وتسب علان وتدخل اللاعبين فى ضغوط نفسية كبيرة .. ليه ؟؟؟؟؟؟؟  ياسيدي معاك تيم كويس محتاج يتقفل عليه باب محتاج أخبيهم عن عيون الناس شوية ميشفوش اللاعبين غير فى الماتش ، ومش كل شوية تشتم لاعب بإسم أمه ، ومتهنش رموز الزمالك الناس دي بتحب الزمالك وقلبها على الزمالك ، فعشان خاطر ربنا مش محتاجين اكتر من العزلة شوية محتاجين نبني تيم يلعب كورة مش يفوز بأي هدف لهلطة وخلاص لاء .

وفى الأخر أنا زملكاوي ومن وجهة نظري شايف كل الأخطاء دي موجودة لو حضرتك شايف غير كدا ناقشني ، ياريت نعمل شير للمنشور دا علشان يوصل لرئيس الزمالك ويناقش المشاكل اللي قولتها دي ونوصل لنتيجة أفضل إن شاء الله تعالي .

#زملكاوي_أنا
أنت الان في اول موضوع
هل اعجبك الموضوع :
التنقل السريع