القائمة الرئيسية

الصفحات

أخبار الاخبار[LastPost]

لن تصدق أفضل خمس طرق لكسب المال وأنت نائم وبدون أي تعب

خمس طرق تمكنك من ربح المال حتي وانت نايم

الأولي : تحويل مهارتك وقدرتك  لشئ ملموس يستفيد منه الأخرين

أولاٌ حضرتك علشان تقدر تحقق أي طريقة من الخمس طرق دول لازم تعرف أنواع الربح المادي فهناك نوعان من تحقيق الربح المادي وهما كالتالي :

النوع الأول : ربح نشط  :
ودا عباراة عن أي مجهود بتبذله حضرتك فى مقابل مبلغ مادي بمعني اني حضرتك بتتعب وتبذل مجهود علشان تحصل علي المقابل المادي ، زي مثلاٌ وظيفة او أي إستثمار بيتطلب منك مجهودك او شغلك فى أي مكان  كان يعني بالعربي ( حضرتك تتعب وتبذل مجهود علشان تاخد مقابل مادي ) .

النوع الثاني : ربح سلبي :
وهو أني حضرتك بتحصل على المقابل المادي بدون تعب أو بدون مشاركة مباشرة منك ، زي إستثمار فلوسك فى بنوك مثلاُ فبتحصل على الأرباح بدون تعب ، أو مشاركة أي حد فى مشروع معين حضرتك كلفته فلوس وهو عليه المجهود ولكن المكسب بيتوزع بالنسب المعروفة وبالتالي حضرتك مبتتعبش فى أي حاجة انتا بس كلفت المشروع وشريكك بيشتغل و بتحصل انت ع ربح .

السؤال المهم بقى فى الموضوع كله : إمتي نروح وندور علي الدخل السلبي وإزاي نستفيد منه بطريقة كويسة ...؟؟
أولا احنا إتفقنا إني الدخل السلبي مش بيتطلب منك مجهود كبير بل من الممكن انك متتعبش أصلا فيه وكمان تعرف تحقق ربح يكون كويس ودا لجانب دخلك الأساسي أو النشط الثابت ( وظيفتك او شغلك أو مشروعك وهكذا ) .

إمتي بقى بنروح ندور على مشروع يحققلنا ربح سلبي بدون تعب والإجابة هي فى الحالات الأتية
1-      لما يكون ربحك أو دخلك الثابت النشط لا يكفيك في حياتك الشخصية أوالعائلية وعايز حاجة تسندك وتساعدك على مصروفات حياتك .

2-     لما يكون عندك طموح إنك تكبر ويبقى عندك فلوس كتير علشان تأمن حياتك وحيات أولادك وتبني مشاريع وكمان تعمل أرصده فى البنوك وكل واحد وطموحه وهكذا الى أخره .


المشكلة بقى بتظهر هنا في إني الربح السلبي بيكون محتاج إستثمار بمبلغ مادي كبير علشان تقدر تاخد من وراه ربح كويس  وبدون تعب ، ولكن أغلب الناس بتدور على حاجات مجانية تقدر تستثمر فيها وبدون دفع أي مبالغ مادية هو فعلا فيه كتير إستثمارات مجانية من النوع دا بس بردو هايكون ربحها ضعيف شوية ولكن مجدي الى حد ما .

وفى الفيديو دا هانعرض لحضرتك أفضل خمس طرق تقدر من خلالها تنفذ إستثمارك وتحقق ربحك السلبي وبدون تعب كبير أو بدون مجهود كبير  ، وكل اللى محتاجه من حضرتك إنك تركز معايا فى الشوية اللى جايين دول علشان تقدر تستفيد وتنفذ فكرتك بسهولة

بمعني ربنا خلق كل إنسان بقدرات ومهارات مختلفة عن الأخرين ، فحضرتك تقدر تحول مهارتك دي أو قدرتك الى شيئ ملموس أو منتج حي تقدر تبيعه مقابل مبلغ مادي حتي ولو كان صغير ، مثال اني لو حضرتك شايف نفسك مميز مثلاٌ فى الكتابة سواء مقالات أو روايات  تقدر تعملها وتبيعها على مواقع زي امازون النسخة الواحدة مقابل دولار مثلاٌ .

أو لو حضرتك متميز فى الشروحات ممكن تعملك كام كورس كويسين وتبيعهم وبالتالي ستحصل على المال دون أي تعب ( أو تعب لمرة واحدة فقط ثم الربح المستمر حتي وأنت نايم) .


الثانية : إنشاء دورات تدريبية وتعليمية أون لاين :

طبعاٌ ودي لو حضرتك مميز فى إنك تشرح دورات تدريبيه أو تعليمية فى أي شئ كان هاتتعب مرة واحدة بس فى إنشاءها وبعد كدا هاتبيعها بالنسخة وكمان النسخة بالمبلغ اللى انت هاتحدده ، وأكيد كل حاجة ليها زبونها الخاص ودا بالاضافة اني حضرتك مش محتاج لمكان ومش محتاج انك تحجز وترتب وتتعب مع أي حد فقط أون لاين .

الثالثة : بيع الصور على الإنترنت :
طبعاٌ فيه ناس كتير بتحب الصور وتحب تصور الطبيعة من حواليها ، وبالتالي لو حضرتك من النوع دا فأنت مش هاتتعب نهائي ليه حضرتك بموبايلك الجميل أو بكاميرتك هاتصور صور تكون دقتها عالية مش أقل من 1080 بكسل وتبيعها للمواقع اللى زي أي ستوك أو شاتر ستوك والمواقع دي بتشتري منك الصور وتبيعها لناس تاني بتستخدمها فى شغلها زي مقالاتها أو فيديوهاتها وبالتالي هاتحقق دخل من حاجة بتحبها ومش هاتتعب فيها .

الرابعة : دخل سلبي من خلال شبكة الانترنت :
ودي زي ماقولنا كل شخص عنده مهارات وقدرات يقدر يستغلها بسهولة زي مثلا لو إنت كاتب كويس ممكن تعملك مدونة مجانية علي بلوجر أو ورد بريس تكتب فيها وتنشر فيها كل شغلك ، او لو انتا مقدم محتوي وهاتقدر تصور فيديوهات تقدر تعمل فيديوهات وتعرضها على يوتيوب ولكن الطرق دي بتحتاج انك تتعب فى الأول لحد ماتعمل قاعدة جماهيرية ويبقى عندك معجبين ومتابعين وبعدها هاتاكل الشهد وبسهولة حتي لو مشتغلتش خالص .

الخامسة : مكائن البيع الذاتي :
بص بقى دي أجمل طريقه فيهم كلهم دلوقتي انتشر في كل مكان حاجة اسمه مكائن البيع الذاتي ودي فكرتها انها مش بتحتاج للعامل البشري كثيراٌ فكرتها انها ماكينة بتوضوع فى أماكن زي دي الكافيهات ، النوادي ، الشواطئ ، المعاهد والكليات ، والمولات ، والمنشآت الصحية وغيرها كثيراٌ من الأماكن العامة وفكرة عملها اني المشتري بيضع العملة اولاٌ بالماكينة علشان يحصل على المنتج سواء كان بقى حلويات أو حاجة ساقعة أو قهوة أو أي مشروبات عايزها أو صحف أو أيس كريم وهكذا ، والجميل فيها بقى إني الماكينة بتسوق نفسها بنفسها من خلال خدمتها انها تديلك المنتج اللى انتا عايزه بدون أي معاملات بشرية حضرتكك تحط الفلوس وهيا بتديلك المنتج الخاص بيك ودي أفضل طريقة لأي حد عايز يحقق ربح سلبي ومادي وفير بدون تعب أو بأقل مجهود ممكن .


فى النهاية فكرة الدخل السلبي دي فكرة ممتازة ، واغلب الناس بتروحلها علشان بتقدر من خلالها تحقق ربح مادي يمكن أن يغطي جميع نفقاتك وإحتياجاتك بدون مجهود كبير أو بدون تعب وممكن كمان تكون سبب فى الغني اللي ممكن تحققه لو إستمريت لفترة كبيرة لاني ممكن يكون المبلغ اللى بتحققهولك كبير وبتقدر توفر منه جزء كبير وبالتالي تقدر تبني رصيد فى بنك أو تستثمر فلوسك فى شئ تاني وهكذا .





أتمني من الله أن ينال الفيديو إعجابكم ولا تنسوا الإشتراك فى القناة وتفعيل الجرس وإترك تعليقك على الفيديو ، ولاتنسي عمل شير للفيديو علشان الكل يستفيد ولا تنسي الدال على عمل الخير كفاعله وأشوفكم فى فيديو جديد والسلام عليكم ورحمة الله وبركاته .




أنت الان في اول موضوع
هل اعجبك الموضوع :

تعليقات